Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 218 Hüküm no: 204 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şimkeş İbrahim b. Mustafa’nın, Dartris v. Agop’da alacağı olduğu iddiasıyla açtığı davada gösterdiği şahitlerin yalancı şahitler olduklarının tespit edildiği Ma‘rûz Simkeş tâifesinden İbrahim b. Mustafa meclis-i şer‘-i enverde kılabdancı tâifesinden Mumcu Mustafa Beşe mübâşeretiyle ihzâr-ı şer‘ ettirdiği Dartris v. Agop zimmî muvâcehesinde işbu merkūm Dartris zimmî zimmetinde târih-i i‘lâmdan yüz yetmiş beş gün mukaddem malımdan ve yedimden beher dirhemi on ikişer paraya iştirâ ve kabz eylediği yüz altmış bir dirhem sîm tel semeninden kırk sekiz guruş on iki para hakkım olup merkūm zimmî meblağ-ı mezkûr cihet-i mezkûreden zimmetinde bana deyni olduğunu târih-i i‘lâmdan dört gün mukaddem Simkeşhâne’de kapıcı odasında huzûr-ı Müslimînde ikrâr dahi etmekle taleb ederim deyü ba‘de’d-da‘vâ ve’l-inkâr müdde‘î-i mezbûr İbrahim’in müdde‘âsına ikāmet eylediği simkeş tâifesinden es-Seyyid Mustafa b. el-Hâc Yâsin ve diğer es-Seyyid Mustafa b. Ebûbekir nâm kimesneler esnâfı mârrü’z-zikr Simkeşhâne ahâlîsinden tezkiye olunduklarında cerh olundukları bi’l-iltimâs Mahkeme-i Bâb’dan huzûr-ı âlîlerine i‘lâm olundu. Fî 10 C sene 1162