Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 220 Hüküm no: 207 Orijinal metin no: [28b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sakızlı Çukacı İstirati v. Nikola’nın Osman b. Hasan’da olan alacağının kefili İsmail b. Ali’nin ödemesi Ma‘rûz Çukacı tâifesinden Sakızlı İstirati v. Nikola nâm zimmî [meclis-i] şer‘de Mehmed Çavuş kulları mübâşeretiyle ihzâr-ı şer‘ olunan İsmail b. Ali nâm kimesne muvâcehesinde mezbûr İsmail benim gāib ani’l-meclis Osman b. Hasan nâm kimesnenin mukaddemâ malımdan ve yedimden iktirâz ve ahz eylediği yüz guruş hakkımın kefîli olmağla ber-mûceb-i kefâlet-i mezkûre meblağ-ı mezkûr yüz guruşu mezbûr İsmail’den taleb ederim deyü ba‘de’d-da‘vâ ve’l-ikrâr mûcebiyle meblağ-ı mezkûr yüz guruşu ber-mûceb-i kefâlet-i mezkûre müdde‘î-i mezbûr İstirati’ye edâ ve teslîmiyle kefîl-i mezbûr İsmail’e tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 11 C sene 1162