Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 221 Hüküm no: 208 Orijinal metin no: [28b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot v. Yani’nin Salih b. Ahmed’e kalan borcunu ödemesine yapılan tenbih Ma‘rûz Seyyid Ömer mahallesi sükkânından Salih b. Ahmed b. Abdullah tarafından vekîl olduğu es-Seyyid Mustafa b. Mehmed ve Mehmed Beşe b. Hasan şehâdetleriyle sâbit olan sulbî oğlu sahib-i arzuhâl Mustafa meclis-i şer‘-i hatîrde derûn-ı arzuhâlde mastûrü’l-ism Panayot v. Yani nâm zimmî muvâcehesinde babam ve müvekkilim mezbûrun mesfûr Panayot zimmetinde cihet-i karz-ı şer‘îden olan elli bin akçe hakkının otuz beş bin akçesini yedinden ba‘de’l-kabz on beş bin akçe hakkı bâkī kalmağla meblağ-ı bâkī-i mezkûru mesfûr Panayot zimmîden bi’l-vekâle taleb ederim deyü da‘vâ eyledikde ol dahi ber-vech-i muharrer müdde‘î-i mezbûra cihet-i mezkûreden bâkī on beş bin akçe deyni olduğunu ikrâr ve i‘tirâf etmeğin mûcebince meblağ-ı mezkûr on beş bin akçeyi müdde‘î-i vekîl-i mezbûra edâ ve teslîme mesfûr Panayot zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 12 min-Cumâdelâhire sene 1162