Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 221 Hüküm no: 209 Orijinal metin no: [28b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Süleyman’ın alacak iddiasıyla Bürüncekçiler kethudası Bektaş’a açtığı davadan vazgeçtiği Ma‘rûz Muhzır es-Seyyid Mehmed mübâşeretiyle Bâb Mahkemesi’ne ihzâr olunan Bürüncekçiler kethudâsı Bektaş’ın hasmı el-Hâc Süleyman meclis-i şer‘-i enverde mezbûr Bektaş muvâcehesinde mezbûr Bektaş bundan akdem beni Ağakapısı’na gamz ile bi-gayr-ı hakkın on iki guruşumu aldırmağa sebeb olmuşidi deyü tesâddî eylediğim da‘vâmdan vesâtet-i muslihîn ile meccânen fâriğ olup husûs-ı mezkûra müte‘allika da‘vâdan kethudâ-yı mezbûr Bektaş’ın zimmetini ibrâ ve ıskāt eyledim deyü olan ikrârını ba‘de’t-tasdîk huzûr-ı âlîlerine i‘lâm olundu el-emrü li-men-lehu’l-emrindir. Fî 11 min-Cumâdelâhire sene 1162