Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 222 Hüküm no: 210 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın kuşağını alan kocası Halil Çavuş’un kuşağı iade etmesi Ma‘rûz Sahibe-i arzuhâl Fâtıma bt. Abdullah nâm hatun zâtı ba‘de’t-ta‘rîfi’ş-şer‘î meclis-i şer‘-i enverde hâlâ zevci olup derûn-ı arzuhâlde mezkûrü’l-ism Halil Çavuş muvâcehesinde zevcim mezbûr Halil Çavuş yedimde mülk ve hakkım olan bir elmas kuşağımı bi-gayr-ı hakkın ahz etmekle taleb ederim deyü da‘vâ eyledikde ol dahi cevâbında zikrolunan kuşağı ahz eylediğini ikrâr lâkin müdde‘iye-i mezbûrenin emriyle rehne vaz‘ edip yüz guruş istidâne ve kendinin menziline harc ve sarf etmişidim deyü olan def‘ini beyâna kādir olamayıp talebiyle müdde‘iye-i mezbûre Fâtıma Hatun’a vech-i şer‘î üzere yemîn verilmeğin mûcebince zikrolunan kuşağı müdde‘iye-i mezbûre Fâtıma Hatun’a edâ ve teslîme mezbûr Halil Çavuş’a tenbîh olunduğu Mahkeme-i Bâb’dan huzûr-ı âlîlerine i‘lâm olundu bâkī emr ü fermân men-lehu’l-emrindir. Fî 12 C sene 1162