Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 48 Hüküm no: 8 Orijinal metin no: [4a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tuht kazasındaki Aşağı Dükkânönü Mescidi’nin imamet ve hitabet cihetlerinin Mehmed Halîfe’nin vefatıyla oğulları Ahmed ve Mustafa’ya tevcihi Ma‘rûz, Tuht kazâsında vâki‘ Aşağı Dükkânönü Mescid-i şerîfinin yevmî nîm akçe vazîfe ile imâmet ve ber-vech-i hasbî hitâbet cihetleri Mehmed Halîfe b. Osman’ın üzerinde olduğu askerî rûznâmçesinden derkenâr olunmağla meâl-i istid‘â ve derkenâra nazar ve bi’t-tahkīk keyfiyet ve iktizâsı i‘lâm olunmak bâbında sâdır olan fermân-ı âlîşâna imtisâlen kazâ-i mezbûr ahâlîsinden Der-aliyye’de bulunan bî-garaz erbâb-ı vukūfdan Sipâhioğlu Osman b. Mehmed ve Karacanoğlu b. Hüseyin nâm kimesneler meclis-i şer‘a celb ile keyfiyeti gereği gibi etrâfıyla suâl olundukda derûn-ı arzuhâlde tahrîr ve inhâ kılındığı üzere mezbûr Mehmed Halîfe’nin fevti vâki‘ ve sahib-i arzuhâl merkūmân Ahmed ve Mustafa sulbî sahîh oğulları olduğu mukır, mezbûr Mustafa her vechile ehil ve muhtâr-ı cemâ‘at olarak el-yevm mescid-i mezkûrda edâ-i hizmet etmekte idiği herbirinin alâ-tarîkı’ş-şehâde ihbârlarıyla zâhir ve ayân mezbûr Ahmed dahi Der-aliyye’de bulunduğundan ehliyet ve istihkākı lede’l-imtihân nümâyân olmağın bu sûretde tekessür-i huddâm maddesinde biri bulunmazsa biri edâ-yı hizmet etmek fâidesi derkâr olduğundan bu makūle cihat mutasarrıflarının hîn-i fevtinde müte‘addid ehliyeti evlâdı bulunduğu takdîrce iştirâken tevcîh olunageldiğine nazaran ciheteyn-i mezkûreteyn babaları müteveffâ-yı mezbûrun mahlûlünden merkūmân Ahmed ve Mustafa Halîfelere iştirâken tevcîh olunmak bâbında emr [ü] fermân hazret-i men-lehu’l-emrindir. Fî 28 Z sene [12]47