Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 225 Hüküm no: 216 Orijinal metin no: [29b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nakkaş esnafından Ahmed Beşe b. Mustafa’nın, ortağı Hacı Mustafa b. Hasan’a hak etmediği ödeme yaptığından geri verilmesi talebiyle açtığı davanın reddedildiği Ma‘rûz Sûzenici hirfetinden Ahmed Beşe [b.] Mustafa meclis-i şer‘-i enverde yine hirfet-i mezkûreden el-Hâc Mustafa b. Hasan muvâcehesinde târih-i i‘lâmdan bir sene mukaddem mezbûr el-Hâc Mustafa ile mezbûr Hacı Mustafa’nın taht-ı icâresinde olan Mercan sûkundaki handa vâki‘ odasında işlemek üzere san‘at-ı mezkûrede amellerimiz ile hâsıl olan nemâ beynimizde beraber olmak üzere akd-i şirket-i san‘at-ı mezkûre edip herbirimiz amel üzere iken mezbûr el-Hâc Mustafa şirket-i mezkûre beynimizde kāime olduğu hâlde hâcc-ı şerîfe gidip hâlâ geldikde müddet-i mezkûrede ba‘de külli’l-hesâb hâsıl nemâ-yı ilmin [amelin] nısfı iki yüz elli guruş mezbûr el-Hâc Mustafa’ya vermişidim ancak nemâ-yı mezkûrede mezbûr el-Hâc Mustafa’nın ameli olmayıp yalnız benim amelim ile hâsıl olmağla meblağ-ı medfû‘-ı mezkûrumu istirdâd ederim deyü olan da‘vâsı takrîr-i meşrûhu üzere sahîha olmamağla hasmı mezkûr el-Hâc Mustafa’ya şer‘an suâl dahi teveccüh etmeyip müdde‘î-i mezbûr bî-vech-i şer‘î mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 15 C sene 1162