Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 227 Hüküm no: 218 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasna bt. Mustafa’nın, şart edip kendisini boşadığından mehrini vermesi için kocası İbrahim b. İvaz’a açtığı davada; hukuken boşanmış sayılmadığından evliliğinin devam ettiğine karar verildiği Ma‘rûz Derûn-ı arzuhâlde mezkûreti’l-ism olup zâtı es-Seyyid Mustafa b. es-Seyyid Hasan ve Hasan b. Mustafa ta‘rîfleriyle mu‘arrefe olan Hasna bt. Mustafa meclis-i şer‘de zevc-i dâhili İbrahim b. İvaz muvâcehesinde mezbûr İbrahim târih-i i‘lâmdan bir gün mukaddem benim için sana bugün bir sîm kuşak iştirâ edip getirmezsem benden boş ol deyü şart eyledikden sonra yevm-i mezkûrda kuşak iştirâ etmeyip şart-ı mezkûrunda hânis ve ben mezbûrdan boş olmamla zimmetinde mütekarrer ve ma‘kūdün-aleyh olan altı bin akçe mehrimi taleb ederim deyü olan da‘vâsında zevci mezbûr dahi şart-ı mezkûru inkârından mâ‘adâ şart-ı mezkûr ile talâk-ı ric‘î olmağla zevcesi mezbûr dahi şart-ı mezkûru inkârından mâ‘adâ şart-ı mezkûr ile talâk-ı ric‘î olmağla zevcesi mezbûre mürâca‘at dahi etmeğin mûcebiyle zevce-i müdde‘iye-i merkūme Hasna Hatun’a zevci mezbûra nefsini teslîme tenbîh olunduğu Bâb’dan huzûr-ı âlîlerine i‘lâm olundu. Fî 16 min-Cumâdelâhire sene 1162