Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 229 Hüküm no: 221 Orijinal metin no: [30a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadayıfçı Hacı İsmail b. Hacı Mehmed’in, Sübyeci Hacı Ahmed b. Musa’da olan alacağının ödenmesine yapılan tenbih Ma‘rûz Kadayıfçı tâifesinden el-Hâc İsmail b. el-Hâc Mehmed meclis-i şer‘de Muhzır Mehmed mübâşeretiyle ihzâr olunan sübyeci el-Hâc Ahmed b. Musa muvâcehesinde mezbûr sübyeci el-Hâc Ahmed zimmetinde târih-i i‘lâmdan altı ay mukaddem benim malımdan ve yedimden iktirâz ve ahz eylediği beş zer-i mahbûb ile beş guruş bir rub‘ ki bi-hesâb-ı guruş cem‘an on dokuz guruş hakkım olmağla taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını ahrâr-ı ricâl-i Müslimînden ve yine tâife-i mezkûreden el-Hâc Mehmed b. Osman ve Taha b. Ömer şehâdetleriyle mezbûr el-Hâc Ahmed muvâcehesinde vech-i şer‘î üzere ba‘de’l-isbât ve’l-kabûl mûcebiyle hükmolunup meblağ-ı mezkûr on dokuz guruşu müdde‘î-i mezbûr el-Hâc İsmail’e edâ ve teslîmle mezbûr el-Hâc Ahmed’e tenbîh olunduğu Mahkeme-i Bâb’dan huzûr-ı âlîlerine i‘lâm olundu fermân men-lehu’l-emrindir. Fî 18 min-Cumâdelâhire sene 1162