Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 230 Hüküm no: 223 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Süleyman Çelebi b. Ahmed’in, Mustafa b. Mehmed Efendi’ye olan borcunu ödemesi Ma‘rûz İstanbul’da Haydar Paşa mahallesi sâkinlerinden Molla Mustafa b. Mehmed Efendi meclis-i şer‘-i enverde Mumcu Mehmed Beşe mübâşeretiyle ihzâr-ı şer‘ ettirdiği es-Seyyid Süleyman Çelebi b. Ahmed muvâcehesinde mezbûr es-Seyyid Süleyman Çelebi zimmetinde mukaddemâ malımdan ve yedimden bâ-temessük iktirâz ve ahz u kabz ve istihlâk eylediği yüz elli guruşdan bâkī kırk dokuz guruş hakkım olmağla taleb ederim deyü ba‘de’d-da‘vâ ve’s-suâl mezbûr es-Seyyid Süleyman cevâbında fi’l-vâki‘ kazıyye minvâl-i muharrer üzere olduğunu ba‘de’l-ikrâr meblağ-ı bâkī-i mezkûrun otuz guruşunu müdde‘î-i mezbûrun emriyle Mehmed Efendi nâm kimesneye def‘ etmişidim deyü olan def‘ini ba‘de’l-inkâr ve’l-istihlâf ve’t-tahlîfi’ş-şer‘î alâ-mûceb-i ikrârihî meblağ-ı bâkī-i mezkûr kırk dokuz guruşu müdde‘î-i mezbûr Molla Mustafa’ya edâ ile mezbûr es-Seyyid Süleyman Çelebi’ye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 19 min-Cumâdelâhire sene 1162