Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 232 Hüküm no: 226 Orijinal metin no: [30b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih’in, vefat eden hanımı Zeyneb bt. Mustafa’ya olan mehir bedeli ve borcunu kayınatası ve kayınanası Mustafa ve Emine’ye ödemesi Ma‘rûz Derûn-ı arzuhâlde mezkûre müteveffât Zeyneb bt. Mustafa b. Mehmed’in verâseti zevc-i metrûku Salih ile babası mezbûr Mustafa ile anası Emine bt. Mehmed’e ba‘de’l-inhisâr mezbûrân Mustafa ve Emine meclis-i şer‘-i hatîrde zevci mezbûr Salih muvâcehesinde kızımız müteveffât-ı mezbûrenin terekesinden zevci mezbûr Salih zimmetinde mütekarrer ve ma‘kūd olan kırk guruş mehr-i müeccel ile ve otuz guruş kıymetli bir sîm kemer kuşak ve üç guruş kıymetli bir çift sîm mercan küpe işbu yedimizde olan defter-i müfredât mantûku üzere terekesinden nısf hisse-i irsiyemizi taleb ederiz deyü ba‘de’d-da‘vâ ve’s-suâl mezbûr Salih cevâbında fi’l-vâki‘ zevcesi müteveffât-ı mezbûrenin terekesinden mehr-i mezkûr ile otuz guruş kıymetli bir sîm kemer kuşak ve üç guruş kıymetli bir çift sîm mercan küpesi olduğunu ikrâr mâ‘adâyı inkârından gayri zikrolunan mehir ve kuşak ve küpeyi hâl-i hayatında ve kemâl-i akl ü sıhhatinde bana hîbe ve temlîk etmişidi deyü olan def‘ini beyâna kādir olamayıp ve istihlâf dahi etmemekle alâ-mûceb-i [31a] i‘tirâfihî zikrolunan mehir ve kuşak ve küpenin semenlerinden müdde‘iyân-ı mezbûrânın hisselerine isâbet eden otuz altı buçuk guruşu müdde‘iyân-ı mezbûrâna edâ ve teslîmle mezbûr Salih’e tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 20 min-Cumâdelâhire sene 1162