Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 232 Hüküm no: 227 Orijinal metin no: [31a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanaki v. Marat’ın birikmiş kira bedelini ev sahibi Ümmügülsüm bt. Hacı Mustafa’ya ödemesi Ma‘rûz İstanbul’da ( ) mahallesinde sâkin iken mukaddemâ vefât eden el-Hâc Mustafa b. Abdullah’ın sulbiye sagīre kızı Ümmügülsüm’ün kıbel-i şer‘den tesviye-i umûruna vasîyy-i mansûbu Hüseyin b. Hasan meclis-i şer‘-i enverde Muhzır Hasan mübâşeretiyle ihzâr ettirdiği Yanaki v. Marat zimmî muvâcehesinde merkūm Yanaki zimmî vasîsi olduğum sagīre-i mezbûre Ümmügülsüm’ün mahmiye-i mezbûrede Ali Paşa-yı Atîk mahallesinde vâki‘ ma‘lûmü’l-hudûd menzilinde müste’ciri beher şehr yetmiş beşer para ücretle müste’ciri olup menzil-i mezkûru ücretinden zimmetinde dört aylık yedi buçuk guruş hakkı cem‘ olmağla bi’l-vesâye taleb ederim deyü ba‘de’d-da‘vâ ve’l-ikrâr alâ-mûceb-i ikrârihî meblağ-ı mezkûr yedi buçuk guruşu vasîyy-i mezbûr Hüseyin’e edâ ve teslîmle mesfûr Yanaki zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 21 C sene 1162