Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 49 Hüküm no: 10 Orijinal metin no: [4a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Ali Camii’nin imamet ve hitabet cihetinin Hâfız Mehmed’in oğlu Ahmed’e tevcihi Ma‘rûz, Yabanâbad kazâsına tâbi‘ Sorkun nâm karyede vâki‘ el-Hâc Ali Câmi‘-i şerîfinin yevmî bir akçe vazîfe ile imâmet ve hitâbet cihetleri Hâfız Mehmed b. Mehmed’in üzerinde olduğu askerî rûznâmçesinde derkenâr olmağla meâl-i arz ve derkenâra nazar ve bi’t-tahkīk iktizâsı i‘lâm olunmak bâbında sâdır olan fermân-ı âlîşâna imtisâlen karye-i mezbûre ahâlîsinden Der-aliyye’de bulunan bî-garaz erbâb-ı vukūfdan İsa Beşeoğlu Mustafa b. Halil ve Hacıoğlu es-Seyyid Ahmed b. Hüseyin nâm kimesneler meclis-i şer‘a celb ile keyfiyeti gereği gibi etrâfıyla suâl olundukda derûn-ı arzda tahrîr ve inhâ kılındığı üzere mezbûr Hâfız Mehmed’in fevti vâki‘ ve dârende-i arz merkūm Ahmed sulbî sahîh oğlu olup her vechile ehil muhtâr-ı cemâ‘at olduğunu herbiri alâ-tarîkı’ş-şehâde ihbâr etmeleriyle bu sûretde imâmet ve hitâbet-i mezkûre babası müteveffâ-yı mezbûrun mahlûlünden oğlu merkūm Ahmed’e tevcîh olunmak bâbında emr [ü] fermân hazret-i men-lehu’l-emrindir. Fî 7 M sene [12]48