Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 234 Hüküm no: 230 Orijinal metin no: [31a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un, Belkıs Hatun’a olan borcundan kalan kısmını ödemesine yapılan tenbih Ma‘rûz İşbu arzuhâlde ve hâmişindeki i‘lâm-ı şer‘îde mezkûr olan Belkıs Hatun meclis-i şer‘-i enverde sahibe-i arzuhâl olup yine i‘lâm-ı mezkûrda mezkûr zâtı ta‘rîf-i şer‘î ile mu‘arrefe olan Emine Hatun muvâcehesinde mezbûre Emine Hatun zimmetinde i‘lâm-ı mezkûrda mezkûr olduğu üzere mahkûmun-bih olan üç yüz kırk bir guruş hakkımın iki yüz yirmi dört guruşunu mezbûre Emine’den ahz edip ve yüz on yedi guruş bâkī kalmağla taleb ederim deyü ba‘de’d-da‘vâ ve’s-suâl mezbûre Emine Hatun dahi cevâbında fi’l-vâki‘ mazmûn-ı i‘lâmı ve meblağ-ı mahkûmun-bihden yüz on yedi guruş bâkī kaldığını ikrâr etmeğin mûcebiyle meblağ-ı bâkī-i mezkûr yüz on yedi guruşu müdde‘iye-i mezbûra edâ ve teslîmle merkūme Emine Hatun’a tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 25 C sene 1162