Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 235 Hüküm no: 231 Orijinal metin no: [31b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ali’nin Gaspar’la sahibi oldukları evin kirasından kendisine ait hissesini zapt edip vermediği iddiasıyla Gaspar’a açtığı davayı ispat edemediği Ma‘rûz Muhzır Hüseyin mübâşeretiyle Bâb Mahkemesi’ne ihzâr olunan Gaspar zimmînin hasmı el-Hâc Ali meclis-i şer‘-i hatîrde mesfûr Gaspar zimmî muvâcehesinde mahrûse-i Galata’ya muzâfe Arnavut nâm karyede vâki‘ ma‘lûmü’l-hudûd bir bâb mutasarrıf olduğumuz menzilin üç sehim i‘tibârıyla bir sehmi benim ve iki sehmi mesfûr Gaspar’ın olmağla menzil-i mezkûrda müste’cirim olan gāib ani’l-meclis Sakızlı zimmî zimmetinde müctemi‘ olan benim bir sehim hisseme isâbet eden otuz yedi guruş kırk akçemi mesfûr Gaspar zimmî ahz u kabz etmekle taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp bi’t-taleb mesfûr Gaspar zimmîye vech-i şer‘î üzere yemîn verilmeğin mûcebince müdde‘î-i mezbûr el-Hâc Ali bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 25 min-C sene 1162