Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 235 Hüküm no: 232 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Beşe b. Hasan’ın, Zafiri v. Vasil adlı çocukda alacağı olduğu iddiasıyla açtığı davanın reddedildiği Ma‘rûz Mumcu Abdullah Beşe mübâşeretiyle Bâb Mahkemesi’ne ihzâr olunan Zafiri v. Vasil nâm şâbb-ı emredin hasmı Hüseyin Beşe b. Hasan meclis-i şer‘-i hatîrde mesfûr Zafiri muvâcehesinde mesfûr Zafiri zimmetinde ber-mûceb-i temessük cihet-i karz-ı şer‘îden kırk guruş hakkım olmağla meblağ-ı mezkûru taleb ederim deyü olan da‘vâsında mesfûr Zafiri şâbb-ı emred ve müdde‘î-i mezbûr dahi mazanne-i töhmet olup hayyiz-i fehm olmadığı zâhir olmağın bu makūle da‘vânın istimâ‘ından kuzât memnû‘lar olmağın müdde‘î-i mezbûrun da‘vâsına iltifât olunmayıp bî-vech-i şer‘î mu‘ârazadan men‘ olunduğu huzûr-ı âlîlerine i‘lâm olundu. Fî 25 C sene 1162