Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 236 Hüküm no: 234 Orijinal metin no: [31b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş’un, Ali Çavuş’a kalan borcunu ödemesine yapılan tenbih Ma‘rûz Dergâh-ı âlî yeniçerileri ocağı çavuşlarından Ali Çavuş Nevbetçi Yusuf Beşe mübâşeretiyle meclis-i şer‘a ihzâr ettirdiği Mehmed Çavuş muvâcehesinde bin yüz altmış senesi Safer’inin beşinci günü târihiyle müverrah imzâ ve hâtemi hâvî yedime verdiği işbu temessük mantûkunca mezbûr Mehmed Çavuş zimmetinde cihet-i karzdan hakkım olan dört yüz seksen guruşun mukaddemâ dört yüz guruşunu istifâ edip zimmetinde seksen guruş hakkım bâkī kalmağla taleb ederim deyü da‘vâ ol dahi ikrâr <> ve i‘tirâf edip lâkin zikrolunan seksen guruş ribâdır deyü ba‘de’d-da‘vâ ve’l-inkâr mezbûr Mehmed Çavuş def‘-i mezkûrunu isbâta kādir olmayıp bi’t-taleb mezbûr Ali Çavuş ba‘de’t-tahlîfi’ş-şer‘î alâ-mûceb-i ikrârihî meblağ-ı bâkī-i mezbûr seksen guruşu mezbûr Ali Çavuş’a edâ ve teslîme mezbûr Mehmed Çavuş’a tenbîh olunduğu Mahkeme-i Bâb’dan huzûr-ı âlîlerine i‘lâm [olundu.] Fî [26] Cumâdelâhire sene 1162