Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 241 Hüküm no: 243 Orijinal metin no: [32b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Demiryazıcısı esnafının kethudaları Ohan v. Andreyas’ın şikayeti üzerine Kebkebci esnafının nizama aykırı olarak dükkân açmalarına izin verilmediği Ma‘rûz İstanbul’da demiryazıcısı esnâfının kethudâları Ohan v. Andreyas zimmî meclis-i şer‘de kebkebciler esnâfının kethudâları el-Hâc Mehmed b. İbrahim ve ustalarından Süleyman b. Veli ve Süleyman b. Hasan ve Mustafa b. Mehmed muvâcehelerinde siz kadîme mugāyir bazı yerlerde dükkân ihdâs etmeniz ile san‘atımızın ihtilâline bâ‘is olmuş[suz]dur demeleriyle beynimizde nizâ‘a bâdî olmuşidi hâlâ Etpazarı kurbünde Kebkebciler mahallesinde vâki‘ Evliyâzâde el-Hâc Mustafa’nın iki aded dükkânı ve Kasab el-Hâc Ali’nin bir aded dükkânı ve Abdullah Efendi’nin bir aded dükkânı ki cem‘an dört aded dükkân olup mezkûr el-Hâc Mustafa’nın dükkânlarının birinde ben işleyip ve mâ‘adâ üç dükkânda esnâfım işleyip gerek mahâll-i mezkûrda ve gerek âhar mahâlde ziyâde dükkân ihdâs etmemek üzere ta‘ahhüd eylediğimde onlar dahi râzı olup kat‘-ı nizâ‘ eyledik deyü merkūm Ohan’ın ber-vech-i muharrer ikrârını mezbûr el-Hâc Mehmed tasdîk eylediği Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emr. Fî 2 Recebi’l-ferd sene 1162