Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 242 Hüküm no: 244 Orijinal metin no: [32b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yasef, Musa ve Avram’ın, paçacı esnafına ait kasapların kestikleri hayvanların baş ve ayaklarını satın almaktan menedildikleri Ma‘rûz Paçacılar esnâfının kethudâları Halil Beşe b. Mehmed ve yiğitbaşıları Mahmud Beşe b. Halil ve ustalardan Mustafa Beşe b. Hüseyin ve Abdi Beşe b. Mustafa ve diğer Abdi Beşe b. Ebûbekir ile Yahûd ustalarından Mosi v. Morhay ve diğer Mosi v. David ve Nehayim v. Yeşiva ve Mosi v. İlya ve Yasef v. Yako ve Bünyamin v. Yasef ve İlya v. Yasef Yahûdiler meclis-i şer‘-i enverde Mumcu Halil Beşe mübâşeretiyle ihzâr-ı şer‘ olunan Yasef v. Yako ve Avram v. Yuda ve Mosi v. Odavin Yahûdiler muvâcehelerinde kasab tâifesinin zebh ettirdikleri koyun ve kuzu ve keçi ve su sığırı ve malağı ve kara sığır ve buzağısının sakat ta‘bîr olunur baş ve ayakları ve sâiri işbu yedimizdeki hatt-ı hümâyûn-ı şevket-makrûnu hâvî fermân-ı âlî ve kıbel-i şer‘-i enverden dahi yedimizde olan i‘lâm-ı şer‘î mantûklarınca bizlere ta‘yîn olunmuş metâ‘ımız iken merkūmûn Yahûdiler mugāyir-i fermân-ı âlî zikrolunan sakatları fuzûlî zabtederler deyü mazmûnu takrîr-i meşrûhlarına mutâbık bir kıt‘a emr-i âlîşân ibrâz ile merkūmûn Yasef ve Avram ve Mosi Yahûdilerin sakat-ı mezkûrdan kasr-ı yedlerine tenbîh taleb ederiz deyü da‘vâ ve merkūmûn dahi zikrolunan sakatları aldıklarını ikrâr edip ancak fîmâ-ba‘d ber-mûceb-i fermân-ı âlî <> zikrolunan sakatlar paçacı tâifesine tahsîs olunmuş [33a] metâ‘ olmağla paçacı tâifesinden olmayıp ecnebi olan merkūmûn Yasef ve Avram ve Mosi Yahûdilerin zikrolunan sakatlardan kasr-ı yedlerine tenbîh olunduğu Mahkeme-i Bâb’dan huzûr-ı âlîlerine i‘lâm olundu fermân men-lehu’l-emrindir. Fî 3 Recebi’l-ferd sene 1162