Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 243 Hüküm no: 246 Orijinal metin no: [33a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaz Sunullah Beşe’nin Canbaz Hacı Ahmed’e olan borcunu ödemesine yapılan tenbih Ma‘rûz Canbaz tâifesinden sahib-i arzuhâl el-Hâc Ahmed meclis-i şer‘de yine tâife-i mezbûreden derûn-ı arzuhâlde mezkûr Sunullah Beşe muvâcehesinde <> târih-i i‘lâmdan on ay mukaddem mezbûr Sunullah Beşe yedimden iktirâz ve ahz u kabz eylediği altmış yedi guruş hakkımın üç guruşunu ahz u kabz edip zimmetinde altmış dört guruş hakkım bâkī kalmağla taleb ederim deyü ba‘de’d-da‘vâ ve’l-inkâr müdde‘î-i mezbûr el-Hâc Ahmed müdde‘âsını udûlden el-Hâc Mehmed b. Hasan ve Hüseyin Beşe b. Receb şehâdetleriyle isbât etmeğin mûcebince meblağ-ı mezbûr altmış dört guruşu müdde‘î-i mezbûr el-Hâc Ahmed’e edâ ve teslîme mezbûr Sunullah Beşe’ye tenbîh olunduğu Mahkeme-i Bâb’da tescîl ve huzûr-ı âlîlerine i‘lâm olundu. Fî 6 min-Receb sene 1162