Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 245 Hüküm no: 248 Orijinal metin no: [33b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şeyh Mehmed b. İbrahim’in Anadolu kuzatından Seyyid Celil Efendi’ye olan borcunu ödemesine yapılan tenbih Ma‘rûz Anadolu kuzâtından sahib-i arzuhâl es-Seyyid Celil Efendi meclis-i şer‘-i hatîrde derûn-ı arzuhâlde mezkûrü’l-ism eş-Şeyh Mehmed b. İbrahim mahzarında mezbûr eş-Şeyh Mehmed zimmetinde târih-i i‘lâmdan on altı gün mukaddem cihet-i karz-ı şer‘îden iki yüz guruş hakkım olmağla meblağ-ı mezkûru mezbûr eş-Şeyh Mehmed’den taleb ederim deyü ba‘de’d-da‘vâ ol dahi cevâbında ber-vech-i muharrer cihet-i mezkûreden müdde‘î-i merkūma iki yüz guruş deyni olduğunu ikrâr ve i‘tirâf etmeğin mûcebince meblağ-ı mezkûr iki yüz guruşu müdde‘î-i merkūm Celil Efendi’ye edâ ve teslîme mezbûr eş-Şeyh Mehmed Efendi’ye tenbîh olunduğu huzûr-ı âlîlerine i‘lâm olundu. Fî 7 Recebi’l-ferd sene 1162