Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 245 Hüküm no: 249 Orijinal metin no: [33b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Abdi Beşe b. Eyüb’ün satın aldığı koyun bedelinden Çoban Hristo’ya kalan borcunu ödemesi Ma‘r[ûz] Çoban tâifesinden arzuhâl sahibi Hristo v. Aleksi zimmî meclis-i şer‘de derûn-ı arzuhâlde mezkûrü’l-ism Kasab Abdi Beşe b. Eyüb muvâcehesinde mezbûr Abdi Beşe zimmetinde bundan akdem yedimden iştirâ ve kabz eylediği derûn-ı arzuhâlde zikrolunan koyun semenlerinden bâkī kırk yedi guruş hakkım olmağla taleb ederim deyü da‘vâ eyledikde ol dahi ikrâr ve i‘tirâf etmeğin alâ-mûceb-i i‘tirâfihî meblağ-ı mezbûr kırk yedi guruşu müdde‘î-i merkūm Hristo’ya edâ ve teslîme mezbûr Abdi Beşe’ye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 8 Receb sene 1162