Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 247 Hüküm no: 252 Orijinal metin no: [33b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ömer b. Hasan’ın, Mercan çarşısındaki dükkânını terlikçi esnafından Ali b. Abdurrahman ile Mehmed b. Hasan’a kiraya verdiği Ma‘rûz Mahmiye-i İstanbul’da el-Hâc Hasan mahallesinde sâkin el-Hâc Ömer b. Hasan nâm kimesne meclis-i şer‘de terlikci esnâfından arzuhâl sahibi Ali b. Abdurrahman ile derûn-ı arzuhâlde mezkûr Mehmed b. Hasan nâm kimesne muvâcehelerinde mahmiye-i mezbûrede Mercan sûkunda vâki‘ taht-ı tasarrufumda olan iki kepenek terlikci dükkânımın yemînini beher şehr kırk paraya mezbûr Mehmed’e ve yesârını dahi mezbûr Ali’ye beher şehr kırk paraya îcâr ve teslîm eylediğimde mezbûrân Mehmed ve Ali dahi ber-vech-i muharrer istîcâr ve tesellüm ve kabûl eylediler deyü olan ikrârını mezbûrân Mehmed ve Ali tasdîk eyledikleri Mahkeme-i Bâb’da tescîl ve huzûr-ı âlîlerine i‘lâm olundu. Fî 9 Receb sene 1162