Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 248 Hüküm no: 254 Orijinal metin no: [34a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Salih’in, hizmetini gördüğü Salih b. Hacı Mehmed’de olan alacağını sulh yoluyla tahsil ettiği Ma‘rûz Zâtı ta‘rîf-i şer‘î ile mu‘arrefe olan sahibe-i arzuhâl Fâtıma bt. Salih nâm bikr-i bâliğa meclis-i şer‘-i enverde derûn-ı arzuhâlde mezkûrü’l-ism Salih b. el-Hâc Mehmed muvâcehesinde ben ücret ile hizmet eder makūlesinden olmamla bundan akdem mezbûr Salih’in menzilinde altı ay eylediğim hizmetimin ecr-i mislini mezbûr Salih’den taleb ve da‘vâ sadedinde olup ol vechile beynimizde ba‘de vukū‘ı’l-münâza‘ât bâ-vesâtet-i muslihîn müdde‘â-yı mezkûremden mezbûr Salih ile üç guruş bedel-i makbûza sulh olup husûs-ı ecr-i mislime müte‘allika da‘vâdan mezbûr Salih’in ve zevcesi gāibetü ani’l-meclis Rukiye bt. Hüseyin’in zimmetlerini ibrâ ve ıskāt eylediğimde ol dahi ibrâ-i mezkûru kabûl eyledi deyü olan ikrârını mezbûr Salih’in tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 10 min-Recebi’l-mürecceb sene 1162