Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 248 Hüküm no: 255 Orijinal metin no: [34a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Praşkova v. Todori’nin, Sarraf Margos v. Aram’a olan borcunu ödemesi Ma‘rûz Sarrâf tâifesinden sahib-i arzuhâl Margos v. Aram meclis-i şer‘-i enverde derûn-ı arzuhâlde mastûrü’l-ism Praşkova v. Todori muvâcehesinde mesfûr Praşkova ve gāib ani’l-meclis karındaşı Sava nâm zimmîler bundan akdem bâ-temessük elli beş guruş ikrâz ve teslîm eylediğimde onlar dahi ba‘de’l-ahz ve’l-kabz herbiri âharın zimmetine lâzım gelen <> hisse-i meblağa bi’l-emr ve’l-kabûl kefîl olmalarıyla meblağ-ı mezbûru [ber-vech-i] muharrer kefâletine binâen merkūm Praşkova’dan taleb ederim deyü da‘vâ ol dahi yirmi yedi buçuk guruş deyni olduğunu ikrâr kefâletini inkâr etmekle beyâna havâle olunup ikrâr-ı mertebesi olan meblağ-ı mezbûr yirmi yedi buçuk guruşu mezbûr Margos’a edâ ve teslîme mezbûr Praşkova’ya tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 6 Recebi’l-ferd sene 1162