Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 252 Hüküm no: 262 Orijinal metin no: [35a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nakkaş Hacı Süleyman’ın kaybolan bazı eşyalarının Sandalcı Hasan Çelebi’de olduğu iddiasıyla açtığı davayı ispat edemediği Ma‘rûz Sûzenici tâifesinden el-Hâc Süleyman dîvân-ı âlîlerinde ma‘kūd meclis-i şer‘de derûn-ı arzuhâlde mezkûrü’l-ism Sandalcı Hasan Çelebi ile terâfu‘larında târih-i i‘lâmdan altı gün mukaddem Karagümrük kurbünde Tiryâkioğlu Hanı demekle ma‘rûf handa müste’ciren sâkin olduğum odamdan yedimde mülk ve hakkım olan beher adedi kırkar guruş kıymetli üç sûzenî işleme şâl ve bir şâlı ve yedi guruş kıymetli bir sâde şâlım zâyi‘ olup ve mezbûr Sandalcı Hasan benim odam kurbünde olan odanın müste’ciri olduğundan mazanne ittihâz etmemle mevcûde ise aynılarını müstehleke ise ba‘de’s-sübût kıymet-i şer‘iyelerini mezbûr Hasan Çelebi’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp bi’t-taleb mezbûr Hasan Çelebi’ye vech-i şer‘î üzere yemîn verilmeğin mûcebince müdde‘î-i mezbûr el-Hâc Süleyman bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 10 Receb sene 1162