Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 256 Hüküm no: 269 Orijinal metin no: [35b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Mustafa’nın, Hacı Mehmed’de alacağı olduğu iddiasıyla açtığı davanın zaman aşımı nedeniyle reddedildiği Ma‘rûz Zâtı ta‘rîf-i şer‘î ile mu‘arrefe olan sahibe-i arzuhâl Ümmügülsüm bt. Mustafa nâm hatun meclis-i şer‘-i enverde derûn-ı arzuhâlde mezkûrü’l-ism el-Hâc Mehmed muvâcehesinde babam mezbûr Mustafa vefât eyledikden sonra müteveffâ-yı mezbûr Mustafa zimmetinde alacak hakkım vardır deyü târih-i i‘lâmdan yirmi sekiz sene mukaddem malımdan ve yedimden bi’d-defa‘ât nakid doksan guruş ile otuz guruş kıymetli bir tüfengimi mezbûr el-Hâc Mehmed bi-gayr-ı hakkın ahz etmişidi hâlâ meblağ-ı mezkûr ile zikrolunan tüfenk mevcûde ise aynını müstehleke ise ba‘de’s-sübût kıymet-i şer‘iyesini taleb ederim deyü tesâddî eylediği da‘vâsında on beş sene bilâ-özr terk olunan da‘vânın istimâ‘ından hükkâm-ı şer‘ memnû‘lar olmağın mezbûr el-Hâc Mehmed’e suâl dahi teveccüh etmemeğin müdde‘iye-i mezbûre Ümmügülsüm Hatun bilâ-emr-i âlî bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 14 min-Recebi’l-ferd sene 1162