Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 257 Hüküm no: 270 Orijinal metin no: [36a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Melkon v. Gaspar’ın, Ekmekçi Karib v. Bogos’a olan borcunu ödemesine yapılan tenbih Ma‘rûz Mumcu İbrahim Beşe mübâşeretiyle Bâb Mahkemesi’ne ihzâr olunan Melkon v. Gaspar zimmînin hasmı Ekmekçi Karib v. Bogos meclis-i şer‘-i hatîrde mesfûr Melkon zimmî muvâcehesinde mesfûr Melkon zimmî zimmetinde târih-i i‘lâmdan bir ay mukaddem cihet-i karz-ı şer‘îden yüz guruş hakkımdan ancak altmış iki guruşunu yedinden ba‘de’l-kabz otuz sekiz guruş hakkım bâkī kalmağla meblağ-ı bâkī-i mezkûru mesfûr Melkon’dan taleb ederim deyü da‘vâ eyledikde ol dahi ber-vech-i muharrer cihet-i mezkûreden müdde‘î-i merkūma ol mikdâr guruş deyni olduğunu ikrâr lâkin kabzını mu‘terif olduğu meblağ-ı mezkûrdan mâ‘adâ yirmi guruş dahi teslîm eyledim deyü eylediği def‘ini beyâna kādir olmayıp bi’t-taleb müdde‘î-i merkūm Karib zimmîye vech-i şer‘î üzere yemîn verilmeğin mûcebince meblağ-ı bâkī-i mezkûr otuz sekiz guruşu müdde‘î-i merkūm Karib zimmîye edâ ve teslîme mesfûr Melkon zimmîye tenbîh olunduğu huzûr-ı âlîlerine i‘lâm olundu. Fî 15 Receb sene 1162