Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 258 Hüküm no: 272 Orijinal metin no: [36a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdurrahman b. Mehmed’in dükkânında kiracı olan Pedros v. Filiboz’un dükkânı boşaltmasına yapılan tenbih Ma‘rûz İstanbul’da Atpazarı kurbünde Kebkebciler sûkunda dört bâb dekâkîne mutasarrıf olan el-Hâc Abdurrahman b. Hacı Mehmed b. Abdullah’ın vekîl-i şer‘îsi Kebkebciler kethudâsı el-Hâc Mehmed b. İbrahim bi’l-vekâle meclis-i şer‘-i enverde dekâkîn-i mezkûreden bir bâb dükkânda müşâhereten icâre-i ma‘lûme ile müste’cir olup Muhzır Mehmed mübâşeretiyle ihzâr-ı şer‘ olunan Pedros v. Filiboz muvâcehesinde târih-i i‘lâm şehrinden bir gün mukaddem müvekkilim mezbûr müste’cir-i mesfûr ile dükkân-ı mezkûrun icâresini feshetmekle hâlâ dükkân-ı mezkûru tahliye ve hurûc ve müvekkilim mezbûra red ve teslîme tenbîh taleb ederim deyü ba‘de’d-da‘vâ ve’l-ikrâr mûcebiyle merkūm Pedros zimmî dükkân-ı mezkûru tahliye ve hurûc ve müvekkil-i mezbûra red ve teslîm ile merkūm Pedros’a tenbîh olunduğu Bâb’dan huzûr-ı âlîlerine i‘lâm olundu fermân men-lehu’l-emrindir. Fî 15 min-Recebi’l-ferd sene 1162