Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 258 Hüküm no: 273 Orijinal metin no: [36a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Osman’ın, muhâlaa yoluyla kocası Saraç Mehmed b. İbrahim’den boşandığı Ma‘rûz Sahibe-i arzuhâl olup zâtı ta‘rîf-i şer‘î ile mu‘arrefe olan Âişe bt. Osman nâm hatun meclis-i şer‘-i enverde zevc-i dâhili olup derûn-ı arzuhâlde mezkûrü’l-ism saraç Mehmed b. İbrahim ile mezbûr saraç Mehmed zimmetinde mütekarrer ve ma‘kūdün-aleyh olan on guruş mehr-i müecceli ve nafaka-i iddet-i ma‘lûmesi ve mezbûre Âişe yedinden nakden makbûzu olan otuz guruş üzerlerine ve meûnet-i süknâsı dahi kendi üzerine olmak üzere muhâla‘a-i sahîha-i şer‘iye ile zevci mezbûr saraç Mehmed ile muhâla‘a olup hukūk-ı zevciyete ve sâire müte‘allika âmme-i da‘vâdan herbiri âharın zimmetini ibrâ ve ıskāt eylediği Mahkeme-i Bâb’dan huzûr-ı âlîlerine i‘lâm olundu. Fî 14 min-Recebi’l-ferd sene 1162