Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 259 Hüküm no: 275 Orijinal metin no: [36a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Debbağzâde el-Hâc Hasan mahallesi ahalisinin, ahlaksız hareketleri olan Ahmed b. Mustafa’nın mahallelerinden ihraç edilmesi talepleri Ma‘rûz İstanbul’da Debbağzâde el-Hâc Hasan mahallesinin imâmı es-Seyyid Mehmed Efendi b. el-Hâc Seyfullah ve müezzini Molla Hüseyin b. el-Hâc Mehmed ve ahâlîsinden Feyzullah Çelebi b. el-Hâc Şa‘bân ve Mehmed Çelebi b. Halil ve Hasan b. Mehmed ve İbrahim b. Ömer ve Ali Çelebi b. Hüseyin ve Abdülmümin b. Mustafa ve İsmail b. Mustafa ve İbrahim b. Ali ve Ali b. Fazlı nâm kimesneler meclis-i şer‘-i enverde Mumcu Halil Beşe mübâşeretiyle ihzâr-ı şer‘ olunan Ahmed b. Mustafa muvâcehesinde mezbûr Ahmed öteden beri kendi hâlinde olmayıp menziline gecelerde ahvâli ma‘lûm olmayan erâzil-i eşhâs ve bikrîler ve taze oğlan getirir olup men‘ ve tenbîh ile mütenebbih olur olmayıp bu vechile mezbûrdan bir vechile emniyet ve râhatımız yokdur deyü mezbûrun sû’-i hâlini ihbâr ve mahalleden ihrâcıyla ta‘zîr olunması bâbında fermân-ı âlî ricâsında oldukları Mahkeme-i Bâb’dan huzûr-ı âlîlerine i‘lâm olundu. Fî 16 Receb sene 1162