Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 260 Hüküm no: 276 Orijinal metin no: [36b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katledilen bir şahsın yapılan keşfinde bıçaklanmak suretiyle öldürüldüğünün anlaşıldığı Ma‘rûz Sâdır olan fermân-ı âlîlerine imtisâlen kıbel-i şer‘den irsâl olunan Kâtib Mehmed Efendi dâ‘îleri Asesbaşı kethudâsı Abdurrahman ve beytü’l-mâl emîni çukadârı İsmail kulları ve sâir Müslimîn ile derûn-ı arzuhâlde mezkûr katîlin üzerine varıp a‘zâsına nazar olundukda sol omuzu başında bir yerde bıçak yarası olduğunu ba‘de’l-mu‘âyene ve’l-müşâhede ref‘ ve defnine çukadâr-ı mezbûra tenbîh eylediğini kâtib-i mezbûr mahâllinde ba‘de’t-tahrîr ma‘an ba‘s olunan Çukadâr Hasan ve Muhzır Mehmed ile meclis-i şer‘a inhâ eylediği huzûr-ı âlîlerine i‘lâm olundu. Fî 17 Receb sene 1162