Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 264 Hüküm no: 284 Orijinal metin no: [37a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tüccar Hacı Mehmed’in, Bakkal Panayot’a sattığı çerviş yağının satışını iptal edip yağlarını teslim aldığı Ma‘rûz Derûn-ı arzuhâlde mezkûrü’l-ism el-Hâc Mehmed nâm kimesne meclis-i şer‘de arzuhâl sahibi Bakkāl Panayot zimmî muvâcehesinde târih-i i‘lâmdan elli beş gün mukaddem Yağkapanı’nda yedimde mülküm olan üç aded yedekde memlû beher kıyyesi otuz üçer akçeye olmak üzere mezbûr Panayot’a bey‘ eylediği bin elli iki kıyye çerviş yağının semeni olan otuz dört bin yedi yüz on altı akçeyi mezbûr Panayot’dan taleb ederim deyü ba‘de’d-da‘vâ ve’l-münâza‘a bâ-tavassut-ı muslihîn bey‘-ı mezkûru ba‘de’l-fesh ve’l-ikāle zikrolunan yağı yine merkūm Panayot bana redd ü teslîm ben dahi ahz u kabz eyledim ba‘de’l-yevm zikrolunan yağa müte‘allik Panayot zimmî ile kat‘a da‘vâ ve nizâ‘ım yokdur deyü olan ikrârını merkūm Panayot dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 21 Recebi’l-ferd sene 1162