Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 269 Hüküm no: 294 Orijinal metin no: [38a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dülger Markoz’un, Dülger Zarok’a açtığı alacak davasından vazgeçerek sulh oldukları Ma‘rûz Dülger tâifesinden arzuhâl eden Markoz zimmî meclis-i şer‘de yine tâife-i mezbûreden arzuhâlde mezkûr Zarok zimmî muvâcehesinde târih-i i‘lâmdan bir sene mukaddem İstanbul’da Gedik Paşa mahallesinde vâki‘ Takyeci Hanı’nda icâre ile sâkin olduğumuz odayı ta‘mîr murâd ettiğimizde sen ta‘mîr eyle harc olunan akçenin nısfını ben vereyim deyü bana emretmekle oda-i mezkûrenin meremmâtına sarf ve harc eylediğim altmış guruşun nısfı olan otuz guruşu ve zimmetinde cihet-i karzdan dahi yirmi guruş alacağım vardır deyü merkūm Zarok’dan taleb ve da‘vâya tesâddî eylediğimde ol dahi ba‘de’l-inkâr ve’l-münâza‘a bâ-tavassut-ı muslihîn da‘vâ-yı mezkûremden fâriğ olup husûs-ı mezkûra ve sâire müte‘allika âmme-i da‘vâdan herbirimiz âharın zimmetini ibrâ ve ıskāt eyledik deyü olan ikrârını mezbûr Zarok dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 25 Receb sene 1162