Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 272 Hüküm no: 299 Orijinal metin no: [38b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lütfi v. Asvador’un eniştesi Arotin v. Andon’a olan borcunu ödemesi Ma‘rûz İstanbul’da Abdi Subaşı mahallesinde mütemekkin Arotin v. Andon zimmî meclis-i şer‘-i enverde kayını Lütfi v. Asvador zimmî muvâcehesinde mukaddemâ merkūm Lütfi zimmî malımdan ve yedimden iktirâz ve ahz ve istihlâk eylediği yüz otuz guruşumu vermeyip zimmetinde kalmağla taleb ederim deyü ba‘de’d-da‘vâ ve’s-suâl merkūm Lütfi cevâbında meblağ-ı mezkûru iktirâz ve ahzını ikrâr lâkin müdde‘î-i mesfûra tamamen edâ etmişidim deyü olan def‘ini ba‘de’l-inkâr beyâna kādir olmayıp istihlâf dahi etmemeğin mûcebiyle meblağ-ı mezbûr yüz otuz guruşu müdde‘î-i mesfûra edâ ve teslîmle merkūm Lütfi zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu fermân men-lehu’l-emrindir. Fî 25 Recebi’l-ferd sene 1162