Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 278 Hüküm no: 309 Orijinal metin no: [40a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Doğramacı Mustafa’nın, Dülger Avanis’deki alacağına kefil olduğu iddiasıyla İsmail’e açtığı davayı ispat edemediği Ma‘rûz Doğramacı tâifesinden sahib-i arzuhâl el-Hâc Mustafa meclis-i şer‘-i hatîrde keresteci tâifesinden derûn-ı arzuhâlde mezkûrü’l-ism es-Seyyid İsmail muvâcehesinde dülger tâifesinden gāib ani’l-meclis Avanis nâm zimmî yedimden iştirâ ve kabz eylediği ma‘lûmü’l-ecnâs kereste semeninden bâkī on yedi buçuk guruş hakkıma işbu mezbûr es-Seyyid İsmail bi’l-emr ve’l-kabûl kefâlet-i sahîha-i şer‘iye ile kefîl olmuşidi hâlâ meblağ-ı mezkûru mezbûr es-Seyyid İsmail’den kefâlet-i mahkiyesine binâen taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp talebiyle mezbûr es-Seyyid İsmail’e vech-i şer‘î üzere yemîn verilmeğin mûcebince müdde‘î-i mezbûr el-Hâc Mustafa bilâ-beyyine bî-vech-i şer‘î mu‘ârazadan men‘ olundu Mahkeme-i Bâb’dan huzûr-ı âlîlerine i‘lâm olundu. Fî 3 Şa‘bân sene 1162