Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 280 Hüküm no: 312 Orijinal metin no: [40a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Hasan’ın, boşadığı hanımı Fâtıma bt. İsmail’e olan mehir ve nafaka bedelini ödemesi Ma‘rûz Zâtı ta‘rîf-i şer‘î ile mu‘arrefe olan bâ‘isetü i‘lâm Fâtıma bt. İsmail nâm hatun meclis-i şer‘-i hatîrde zevc-i sâbıkı Mustafa b. Hasan mahzarında mezbûr Mustafa zevcim olup târih-i i‘lâm günü beni bâinen tatlîk etmekle zimmetinde mütekarrer ve ma‘kūdün-aleyh bin yüz akçe mehr-i müeccelim ile nafaka-i iddet-i mu‘ayyene-i ma‘lûmem ve meûnet-i süknâm için dahi bi’t-terâzî ta‘yîn olunan altı yüz akçe ki cem‘an bin yedi yüz akçe hakkımı mezbûr Mustafa’dan taleb ederim deyü da‘vâ eyledikde ol dahi ber-vech-i muharrer müdde‘iye-i mezbûre ol mikdâr mehr-i müeccel tesmiyesiyle zevcesi olup târih-i mezkûrda tatlîk eylediğini ikrâr ve i‘tirâf etmeğin mûcebince meblağ-ı mezkûr bin yedi yüz akçeyi müdde‘iye-i mezbûre Fâtıma Hatun’a edâ ve teslîme mezbûr Mustafa’ya tenbîh olunduğu Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emr. Fî 5 min-Şa‘bân sene 1162