Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 280 Hüküm no: 313 Orijinal metin no: [40a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc İlyas mahallesi ahalisinin uygunsuz hallerini şikayet ettikleri imamları Hacı Ali b. Hacı Ahmed’in görevini cemaatin uygun gördüğü bir şahsa devredeceği Ma‘rûz Mahmiye-i İstanbul’da Yedikule kurbünde vâki‘ derûn-ı arzuhâlde mezkûr el-Hâc İlyas mahallesi ahâlîsinden ashâb-ı arzuhâl el-Hâc İsmail b. Yusuf ve es-Seyyid el-Hâc Ahmed b. es-Seyyid Mehmed ve Lütfi b. el-Hâc Ahmed ve el-Hâc Ebûbekir b. el-Hâc İbrahim ve İsmail b. el-Hâc Ahmed ve el-Hâc İbrahim b. Süleyman ve Mehmed b. Ali ve el-Hâc Ali b. el-Hâc Ahmed nâm kimesneler meclis-i şer‘-i enverde Ali Efendi b. Ömer nâm kimesne muvâcehesinde mezbûr Ali Efendi mahallemiz imâmı olup lâkin iktidâya münâfî sû’-i hâli olmağın iktidâdan istikrâh etmemiz ile cemâ‘atin muhtârı olan imâmete sâlih bir mütedeyyin ve müstakīm kimesneyi yerine nâib nasb etmek üzere mezbûr Ali Efendi’ye tenbîh murâdımızdır deyü teşekkî eylediklerinde ol dahi ber-vech-i muharrer cemâ‘atin muhtârı bir kimesneyi yerine nâib nasb etmek üzere ta‘ahhüd eylediği Bâb’dan i‘lâm olundu. Fî 5 Şa‘bân sene 1162