Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 282 Hüküm no: 316 Orijinal metin no: [40b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Trandafil v. Dimitri’nin, Manol v. Gülnazar’dan satın aldığı Girit sabunu bedelinden olan borcunu ödemesi Ma‘rûz Sahib-i arzuhâl Manol v. Gülnazar zimmî meclis-i şer‘-i hatîrde arzuhâlde mezkûr Mercan sûkunda Bakkāl Trandafil v. Dimitri zimmî muvâcehesinde târih-i i‘lâmdan üç ay mukaddem merkūm Bakkāl Trandafil zimmînin beher kantarı onar guruşa malımdan ve yedimden iştirâ ve kabz eylediği beş buçuk kantar Girid sabunu semeninden zimmetinde elli beş guruş hakkım olmağla taleb ederim deyü ba‘de’d-da‘vâ ve’s-suâl merkūm Bakkāl Trandafil zimmî cevâbında müdde‘î-i mesfûrdan ancak kırk iki guruşa beş kantar ve yirmi iki lodra sabun iştirâ ve kabzını ikrâr ziyâde semen ve sabunu inkârından mâ‘adâ semen-i mezkûru dahi müdde‘î-i mezbûra tamamen edâ etmişidim deyü olan def‘ini ba‘de’l-inkâr beyândan ızhâr-ı acz birle lede’l-istihlâf ve’t-tahlîfi’ş-şer‘î mûcebiyle ikrârı mertebesi olan kırk iki guruşu müdde‘î-i mesfûr Manol zimmîye edâ ile merkūm Bakkāl Trandafil zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu fermân men-lehu’l-emrindir. Fî 6 Şa‘bân sene 1162