Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 283 Hüküm no: 317 Orijinal metin no: [40b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şekerci Efir v. Abram’ın, birikmiş kira bedellerini ödedikten sonra boşaltıp sahibi Mustafa Tahir Efendi’ye teslim ettiği Ma‘rûz Şekerci esnâfından Efir v. Abram Yahûdî meclis-i şer‘de Mustafa Tahir Efendi mahzarında mezbûr Mustafa Tahir Efendi İstanbul’da Sarı Nasuh mahallesinde vâki‘ bir bâb dükkânını yevmî sekizer akçe icâre ile târih-i i‘lâmdan kırk üç gün mukaddem iki sene tamamına değin bana îcâr ben dahi ber-minvâl-i muharrer ba‘de’l-istîcâr ve’l-kabûl yedime temessük vermişidi hâlâ dükkân-ı mezkûr icâresinden müddet-i mezkûrede müctemi‘ üç yüz kırk dört akçe icâresini mezbûr Mustafa Tahir Efendi’ye ba‘de’t-teslîm bi’t-terâzî fesh-i icâre eyledikden sonra dükkân-ı mezbûru tahliye ve mezbûr Mustafa Tahir Efendi’ye teslîm eyledim ba‘de’l-yevm dükkân-ı mezkûrda alâkam kalmadı deyü olan ikrârını mezbûr Mustafa Tahir Efendi dahi tasdîk eylediği Bâb’dan huzûr-ı âlîlerine i‘lâm olundu. Fî 6 Şa‘bân sene 1162