Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 285 Hüküm no: 321 Orijinal metin no: [41b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dülger Abram v. Yani’nin, evini tamir ettiği Kiryazi v. Dimitraki’de olan alacağını sulh yoluyla tahsil ettiği Ma‘rûz Arzuhâl sahibi Dülger Abram v. Yani zimmî meclis-i şer‘de arzuhâlde mezkûr Kiryazi v. Dimitraki zimmî muvâcehesinde bundan akdem merkūm Kiryazi’nin İstanbul’da Seydi Ömer mahallesinde vâki‘ menzilini ta‘mîr eylediğinde beynimizde ma‘lûm üstâdiyem ücretinden ve kereste semenlerinden yüz on guruşdan bâkī otuz iki buçuk guruş hakkım kalmışidi deyü merkūm Kiryazi’den ba‘de’d-da‘vâ ve’l-münâza‘a bâ-vesâtet-i muslihîn on beş guruş bedel-i makbûza merkūm Kiryazi ile sulh olup husûs-ı mezkûra müte‘allika âmme-i da‘vâdan herbirimiz âharın zimmetini ibrâ ve ıskāt eyledik deyü olan ikrârını merkūm Kiryazi dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 8 Şa‘bâni’l-mu‘azzam sene 1162