Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 285 Hüküm no: 322 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Baryam’ın kefaletten dolayı Ağya’ya olan borcunu ödemesine yapılan tenbih Ma‘rûz Derûn-ı arzuhâlde mezkûrü’l-ism Ağya zimmî meclis-i şer‘de sahib-i arzuhâl Baryam zimmî muvâcehesinde mesfûr Baryam zimmî zimmetinde yedinde olan Mahmud Paşa Mahkemesi’nde Nâibü’ş-şer‘ Ebûbekir Efendi hâtemiyle mahtûm hükm-i i‘lâmı nâtık olduğu üzere cihet-i kefâletden hakkım olan yüz guruşun on guruşunu bana edâ mâ‘adâ zimmetinde bâkī kalan doksan guruşu taleb ederim deyü da‘vâ eyledikde ol dahi kazıyye ber-vech-i muharrer olduğunu ikrâr ve i‘tirâf etmeğin mûcebiyle meblağ-ı bâkī-i mezbûr doksan guruşu müdde‘î-i mesfûr Ağya zimmîye edâ ve teslîme mesfûr Bayram zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emrindir. Fî 8 min-Şa‘bân sene 1162