Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 287 Hüküm no: 324 Orijinal metin no: [41b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Memiş b. Osman’ın, kaynatası Ali b. Hacı Mustafa’da olan alacağını sulh yoluyla tahsil ettiği Ma‘rûz İstanbul’da Bâyezid Ağa mahallesi sâkinlerinden Memiş b. Hacı Osman meclis-i şer‘-i enverde kayınatası Hacı Ali b. Hacı Mustafa muvâcehesinde târih-i i‘lâmdan bir sene mukaddem Hacı Ali’nin mahalle-i mezbûrede vâki‘ ma‘lûmü’l-hudûd menziline kendiye rücû‘ şartıyla olan emrine binâen malımdan yetmiş altı guruş on dört para sarfla müceddeden ma‘lûmü’l-mikdâr binâ ihdâs ve meremmât ettirmemle meblağ-ı masrûf-ı mezkûrumu taleb ederim deyü da‘vâ ve merkūm Hacı Ali dahi cevâbında müdde‘î-i mezbûru menzilinde binâ ve meremmâtını ikrâr ancak ber-vech-i muharrer emrini inkâr edip ol vechile beynlerinde ba‘de vukū‘ı’l-münâza‘ât bâ-tavassut-ı muslihîn mezbûr Memiş müdde‘â-yı mezkûrundan mezbûr Hacı Ali ile yirmi guruş bedel-i makbûza sulh olup mâ‘adâ-yı masrûfuna ve husûs-ı mezkûra ve bedel-i medfû‘a müte‘allika âmme-i da‘vâdan herbiri âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledikde âhar dahi ibrâ-i mezkûru kabûl eylediği Mahkeme-i Bâb’dan tescîl ve huzûr-ı âlîlerine i‘lâm olundu fermân men-lehu’l-emrindir. Fî 8 Ş sene 1162