Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 60 Hüküm no: 21 Orijinal metin no: [7a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Amasya’daki Saraçhâne Mescidi’ndeki imamlık cihetinin Seyyid Ahmed’e tevcihi Ma‘rûz, Amasya kazâsında vâki‘ Saraçhâne Mescid-i şerîfinde yevmî nîm akçe vazîfe ile nısf hisse imâmet ciheti es-Seyyid Ali Halîfe b. es-Seyyid Mehmed’in üzerinde olduğu askerî rûznâmçesinden derkenâr olunmağla istid‘â ve derkenâra nazar ve bi’t-tahkīk iktizâsı i‘lâm olunmak bâbında sâdır olan fermân-ı âlîşâna imtisâlen kazâ-i mezbûr ahâlîsinden bu esnâda Der-aliyye’ye gelen bî-garaz erbâb-ı vukūfdan Dizdâroğlu es-Seyyid Mustafa b. es-Seyyid Mehmed ve Hacı Ahmed oğlu es-Seyyid Ali b. es-Seyyid Abdullah nâm kimesneler huzûr-ı şer‘a celb ile keyfiyeti gereği gibi etrâfıyla suâl olundukda derûn-ı arzuhâlde tahrîr ve inhâ kılındığı üzere mezbûr es-Seyyid Ali Halîfe’nin bilâ-veled fevti vâki‘ ve sahib-i arzuhâl merkūm es-Seyyid Ahmed li-ebeveyn er karındaşı ve muhtâr-ı cemâ‘at olduğunu her biri alâ-tarîkı’ş-şehâde ba‘de’l-ihbâr mezbûrun ehliyet ve istihkākı dahi lede’l-imtihân zâhir ve nümâyân olmağın bu sûretde nısf imâmet-i mezkûre bi’n-nefs varıp edâ-i hizmet eylemek şartıyla birâderi müteveffâ-yı mezbûrun bilâ-veled mahlûlünden merkūm es-Seyyid Ahmed’e tevcîh olunmak bâbında emr [ü] fermân hazret-i men-lehu’l-emrindir. Fî 27 M sene [12]48