Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 298 Hüküm no: 343 Orijinal metin no: [44a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boyacı Nikola v. Dimitri’nin, yanlarında çalıştığı Hristodoli, Garab ve Vasil’deki alacağını sulh yoluyla tahsil ettiği Ma‘rûz Boyacı esnâfından sahib-i arzuhâl Nikola v. Dimitri zimmî meclis-i şer‘-i enverde esnâf-ı mezkûreden arzuhâlde isimleri mezkûr Hristodoli v. Kalone ve Garab v. Yorgi ve Vasil v. İstati zimmîler muvâcehelerinde mukaddemâ ve bin yüz kırk beş senesinden elli senesine gelince İstanbul’da Fazlı Paşa sarayındaki kârhânelerinde altı ay şâkirdlik ve dört sene dahi beher ay beş guruş ücret kavliyle hizmet edip müddet-i mezkûrede olan cem‘an iki yüz yetmiş guruş ücret-i hakkımı vermeyip zimmetlerinde kalmağla hâlâ taleb ve da‘vâ eylediğimde mesfûrûn dahi cevâblarında bir sene şehrî ikişer guruş ve bir sene dahi şehrî üçer guruş ücretle ancak iki sene hizmetimi ikrâr ve ziyâde ücret ve ziyâde hizmetimi inkârlarından mâ‘adâ ikrârları olan ücretimi dahi edâ etmişdik deyü def‘ sadedinde olup ol vechile beynimizde ba‘de vukū‘ı’l-münâza‘ât bâ-vesâtet-i muslihîn müdde‘â-yı mezkûremden mesfûrûn Hristodoli ve Garab ve Vasil ile yirmi iki guruş bedel-i makbûza sulh olup mâ‘adâ hizmet-i mezkûremin ücret-i mezkûresine müte‘allika âmme-i da‘vâdan mesfûrûn zimmîlerin zimmetlerini ibrâ-i âmm-ı kātı‘u’n-nizâ‘la ibrâ ve ıskāt eylediğimde mesfûrûn dahi ibrâ-i mezkûru ba‘de’l-kabûl bedel-i medfû‘larına müte‘allika da‘vâdan ibrâ <> benim zimmetimi ibrâ eylediler deyü olan ikrârını mesfûrûn zimmîler tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 16 Şa‘bân sene 1162