Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 305 Hüküm no: 352 Orijinal metin no: [45b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos v. Kogas’ın, ravend semeninden alacağı kaldığı iddiasıyla Avanis v. Barsam’a açtığı davada Avanis’in borcu ödediğini ispat ettiği Bâ-mühr-i hazret-i efendi Ma‘rûz Sahib-i arzuhâl Bogos v. Kogas nâm zimmî dîvân-ı âlîlerinde ma‘kūd meclis-i şer‘de Avanis v. Barsam nâm zimmî ile terâfu‘larında işbu Avanis zimmetinde târih-i i‘lâmdan dört sene mukaddem malımdan ve yedimden iştirâ ve kabz eylediği yedi vakıyye râvend semeninden hakkım olan yüz elli guruşun altmış guruşunu mersûma cihet-i şer‘îden zimmetimde deynim olan altmış guruşa takās edip ol dahi mukāssa ve kabûl etmekle zimmetinde bâkī doksan guruş hakkım kalmağın taleb ederim deyü ba‘de’d-da‘vâ ve’s-suâl mersûm Avanis müdde‘î-i mesfûrdan târih-i mezkûrda ber-minvâl-i muharrer yedi vakıyye râvend yüz elli guruşa iştirâsını ikrâr lâkin benim mesfûr Bogos deyn-i mezkûruna takās edip herbirimiz âharın zimmetini âmme-i da‘vâdan ibrâ etmişidik deyü ba‘de’d-def‘ ve’s-suâl ve’l-inkâr mesfûr Avanis def‘-i meşrûhunu lede’t-tezkiye adâletleri zâhir olan Haçador v. Asfador ve Serkiz v. Melkon nâm zimmîler şehâdetleriyle vech-i şer‘î üzere isbât etmeğin mûcebince mesfûr Bogos zimmî bî-vech mu‘ârazadan men‘ olundu huzûr-ı âlîlerine i‘lâm olundu. Fî 22 Şa‘bân sene 1162