Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 305 Hüküm no: 353 Orijinal metin no: [45b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküplü Mehmed b. Mehmed’in, yanında çalıştığı Bosnalı Mustafa Ağa b. Abdülkadir’e açtığı alacak davasını ispat edemediği Ma‘rûz Sahib-i arzuhâl Üskübî Mehmed b. Mehmed meclis-i şer‘de derûn-ı arzuhâlde mezkûrü’l-ism Bosnavî Mustafa Ağa b. Abdülkadir muvâcehesinde bundan akdem Üsküb’den Âsitâne’ye gelince beher mâh on beşer guruş ücret kavliyle iki ay merkūm Mustafa Ağa’ya hizmet etmemle ücret-i müsemmâm olan dokuz guruşu merkūm Mustafa Ağa’dan taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmamağla mezbûr Mustafa Ağa bi’t-taleb tahlîf olunmağın mûcebince mezbûr Mehmed bilâ-beyyine bî-vech mu‘ârazadan ba‘de’l-men‘ yine mezbûr Mehmed merkūm Mustafa Ağa muvâcehesinde merkūm Mustafa Ağa’dan iddi‘â eylediği derûn-ı arzuhâlde mezkûr ber-mûceb-i defter-i müfredât mecmû‘u otuz beş guruş kıymetli eşyâsını merkūm Mustafa Ağa yedinden tamamen ahz u kabz eyledi dediği Mahkeme-i Bâb’dan huzûr-ı âlîlerine i‘lâm olundu. Fî 25 Şa‘bân sene 1162