Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 308 Hüküm no: 357 Orijinal metin no: [46a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İskender Ağa mahallesi ahalisinin, uygunsuz tavırları olduğunu şikayet ettikleri Zeyneb Hatun ile kocası Mehmed’in mahallelerinden ihraç edilmeleri talepleri Ma‘rûz Derûn-ı arzuhâlde mezkûr olan İskender Ağa mahallesi imâmı Osman Efendi ve ahâlîsinden müderrisîn-i kirâmdan Mustafa Efendi ve el-Hâc Mehmed Efendi ve saraç Mehmed Çelebi ve Abbas Ağa ve Ali Çelebi ve es-Seyyid Abdülfettah ve Kâtib Ali Efendi ve el-Hâc Mehmed nâm kimesneler meclis-i şer‘de sahibe-i arzuhâl Zeyneb Hatun muvâcehesinde mezbûre Zeyneb ile gāib ani’l-meclis zevci Mehmed nâm kimesne mahallemiz sâkinlerinden olup lâkin mezbûrân kendi hâllerinde olmayıp nâ-mahremden ictinâbları olmamağla üç def‘a menzilinde nâ-mahrem kimesneler ile basılıp ve mukaddemâ işbu yedimizde olan i‘lâm-ı şer‘î mantûkunca bir def‘a dahi ihrâcına taraf-ı şer‘den tenbîh olundukda mahallemizde sâkin olmamak üzere ta‘ahhüd dahi etmişidi hâlâ bir vechile mezbûrândan emniyetimiz yokdur deyü teşekkî ve mahalle-i mezbûreden hurûcları için fermân-ı âlîleri ricâsında oldukları Mahkeme-i Bâb’dan huzûr-ı âlîlerine i‘lâm olundu. Fî 28 Şa‘bân sene 1162