Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 311 Hüküm no: 362 Orijinal metin no: [47a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih b. Abdullah’ın Enserci Agop v. Marat’a olan borcunu ödemesi Ma‘rûz Enserci tâifesinden Agop v. Marat zimmî meclis-i şer‘-i enverde Mumcu Süleyman Beşe mübâşeretiyle ihzâr ettirdiği Salih b. Abdullah muvâcehesinde mezbûr Salih zimmetinde yedimden iştirâ ve kabz eylediği beynimizde mikdârı ve ecnâsı ma‘lûm enser semeninden hakkım olan altmış iki guruşun yedi guruşunu bana edâ ve teslîm edip elli beş guruş bâkī kalmağla taleb ederim deyü da‘vâ eyledikde ol dahi ikrâr ve i‘tirâf etmeğin mûcebince meblağ-ı mezbûr elli beş guruşu müdde‘î-i merkūm Agop zimmîye edâ ve teslîme mezbûr Salih’e tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî-selhi Şa‘bân sene 1162