Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 311 Hüküm no: 363 Orijinal metin no: [47a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri’nin çuka bedelinden alacağı olduğu iddiasıyla Panayot’a açtığı davayı ispat edemediği Ma‘rûz Sahib-i arzuhâl Dimitri zimmî meclis-i şer‘-i hatîrde derûn-ı arzuhâlde mastûrü’l-ism Panayot nâm zimmî muvâcehesinde mesfûr Panayot târih-i i‘lâmdan dört ay mukaddem yedimden iştirâ ve kabz eylediği sekiz zirâ‘ üç rub‘ kırmızı çuka semeninden yirmi beş guruş beş para hakkım olmağla meblağ-ı mezkûru mesfûr Panayot zimmîden taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını beyâna kādir olmayıp talebiyle mesfûr Panayot’a vech-i şer‘î üzere yemîn verilmeğin mûcebince müdde‘î-i mersûm Dimitri zimmî bilâ-beyyine bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî-selhi Şa‘bân sene 1162